Farskólinn kynnir Menntastoðir á Norðurlandi vestra

Menntastoðir er tilvalin námsleið fyrir þá sem vilja hefja nám á ný og ná sér í grunnfögin í framhaldsskóla til undirbúnings háskólanámi síðar meir.

Menntastoðir er tilvalin námsleið fyrir þá sem vilja hefja nám á ný og ná sér í grunnfögin í framhaldsskóla. Markmið Menntastoða er að stuðla að jákvæðu viðhorfi námsmanna til áframhaldandi náms og auðvelda þeim að takast á við ný verkefni. Í náminu er lögð áhersla á að nemendur læri að læra, efli sjálfstraust sitt og lífsleikni. Námið er 660 kennslustundir að lengd.

 

Námþættir: Lífsleikni 102 og 201, Námstækni 102, Upplýsingatækni 103, Íslenska 103 og 203, Stærðfræði 102, 122 og 262, Danska 102, Enska 103 og 203.

Kennsluhættir: Kennsluhættir Menntastoða miða við þarfir fullorðinna námsmanna og leitast er við að veita nemendum góða þjónustu. Þannig skipa sjálfsefling, námstækni og hópefli stóran þátt í skólastarfinu. Hluti kennslu í Menntastoðum byggist á tölvum og því kostur að nemendur hafi aðgang að tölvu á námstímanum. Þeir nemendur sem ljúka námi í Menntastoðum eiga kost á því að sækja um nám í Háskólabrú Keilis. Námið er metið sem 50 einingar inn í Háskólabrú Keilis. Menntamálaráðuneytið hefur samþykkt að framhaldsskólar geti metið Menntastoðir til eininga hjá sér.

 

Námsmat: Símat og próf

Kennarar: Ýmsir kennarar á vegum Farskólans

Hvar: Hjá Farskólanum og í námsverum þar sem fjarfundabúnaðir eru til staðar. 

Hvenær: Um leið og skráningu er náð. Gert er ráð fyrir 12 til 14 námsmönnum.

Verð: 123.000 kr.

Menntastoðir eru í kynningu hjá Farskólanum. Frekari upplýsingar má fá með því að skrifa á netfangið: farskolinn@remove-this.farskolinn.is eða hjá verkefnastjórum í síma 455 - 6010.

Námskráin á PDF formi er hér.