,,Fræðslustjóri að láni" til Heilbrigðisstofnunar Norðurlands á Blönduósi og Sauðárkróki

Samningur á milli Ríkismenntar, Farskólans og heilbrigðisstofnananna undirritaður 27. nóvember. Verkefnastjórar Farskólans gerast tímabundnir ,,fræðslustjórar".

Samningarnir fela í sér að Ríkismennt útvegar Heilbrigðisstofnun Norðurlands á Blönduósi og Sauðárkróki ,,Fræðslustjóra að láni" í ákveðinn tíma. Fræðslustjórinn kemur frá Farskólanum. Stofnaðir verða stýrihópar innan stofnananna skipaðir starfsfólki sem munu vinna með fræðslustjóranum. Áherslan er á almenna starfsmenn eða þá sem eru í Öldunni, Samstöðu og Kili. 

Í verkefninu verða þarfir og væntingar starfsmanna skilgreindar og í framhaldi hönnuð fræðsluáætlun til tveggja til þriggja ára.

Framundan er samskonar verkefni hjá sveitarfélaginu Skagafirði. Farskólinn mun kynna þessa þjónustu nánar á nýju ári.

Frá undirritun samnings á Blönduósi: Bryndís Þráinsdóttir, framkvæmdastjóri Farskólans, Sveinfríður Sigurpálsdóttir, framkvæmdastjóri hjúkrunar og Eyjólfur Bragason, verkefnastjóri frá Ríkismennt.

Frá undirritun samnings á Sauðárkróki: Bryndís Þráinsdóttir, Herdís Klausen hjúkrunarforstjóri á Sauðárkróki og Eyjólfur Bragason.