Vellíðan heima með góðu skipulagi.

Getur skipulagsleysi heima endurspeglast í líðan okkar?

Við erum sífellt að takast á við breyttar aðstæður og þeim fylgja gamlir og nýir hlutir.

Á námskeiðinu verður fjallað um það hvernig skipulagsleysi heima fyrir getur endurspeglast í líðan, t.a.m. þegar maður hugsar um tiltekt en veit ekki hvar á að byrja og fallast hreinlega hendur.

Öll getum við lent í því að vera einn daginn stödd þar í lífinu að verkefnin virðast óyfirstíganleg og maður veit ekki hvar á að byrja.

 

Að námskeiðinu loknu munu þátttakendur hafa kynnst leiðum til að:

·         auka verðmæti þess sem þeir eiga nú þegar

·         finna hvernig koma má ró á umhverfið sitt heimafyrir

·         finna mikilvægi þess að sleppa tökunum á því sem hefur lokið hlutverki sínu

 

Fyrirkomulag: Námskeiðið er kennt í fjarkennslu og í tveimur hlutum. Fyrri hluti 6. maí frá kl. 14-15 og seinni hluti 13. maí frá kl. 14-15.


Leiðbeinandi: Virpi Jokinen lauk námskeiði fyrir vottaða skipuleggjendur í Helsinki í nóvember 2018 og er fyrsti starfandi vottaði skipuleggjandinn á Íslandi, en enska starfsheitið er „Professional Organizer“. Virpi er finnsk, tveggja barna móðir, hefur búið á Íslandi í um aldarfjórðung og talar íslensku reiprennandi. Virpi rekur sitt eigið fyrirtæki, Á réttri hillu – skipulagsaðstoð fyrir einstaklinga og minni fyrirtæki.

 

 

Þátttakendur geta tengst námskeiðinu á sinni eigin tölvu, síma eða snjalltæki. Þannig er hægt að taka þátt með einföldum hætti heima hjá sér eða í vinnunni í ró og næði.

 

Námskeiðið er í boði fyrir íbúa á Norðurlandi vestra og er samstarfsverkefni Farskólans, SSNV og stéttarfélaganna Öldunnar, Samstöðu, Verslunarmannafélags Skagafjarðar, Sameykis og Kjalar. Íbúum á Norðurlandi vestra er boðið á námskeiðið þeim að kostnaðarlausu.

Þar sem það er orðið fullt á námskeiðið hefur verið bætt við nýju námskeiði klukkan 17:00 sama dag. 

Skráið ykkur með því að smella á grænu hnappana hér til hægri.

Önnur námskeið