Nám og þjálfun í almennum bóklegum greinum

Hófst þú nám í framhaldsskóla en laukst ekki námi? Fórstu snemma út á vinnumarkaðinn? Hefur þú áhuga á að fara aftur í skóla? Ef þú svarar þessum spurningum játandi er námsleiðin ,,Nám og þjálfun í almennum bóklegum greinum“ klárlega fyrir þig. Í náminu er lögð áhersla á fjölbreyttar kennsluaðferðir, einstaklingsmiðað nám og að þátttakendur læri að læra.

„Nám og þjálfun í almennum bóklegum greinum“ er ætluð þeim sem eru að minnsta kosti 23 ára, eru starfandi á vinnumarkaði og hafa ekki lokið almennum bóklegum greinum.

Að loknu námi hefur námsmaður meðal annars:
· færni til að nota námstækni sem hentar honum
· aukið færni sína í að tjá sig og skilja á íslensku
· aukið færni sína í að skilja og tjá sig á dönsku
· aukið færni sína í að skilja og tjá sig á ensku
· færni til að tjá sig fyrir framan hóp annarra námsmanna
· aukið færni sína í að afla, vinna úr, varðveita og miðla upplýsingum og þekkingu með tölvu
· aukið færni sína í talnareikningi, bókstafareikningi, í að leysa þrautir í röklegri framsetningu með stærðfræði
· fær um að vinna verkefni sjálfstætt, skipulega og með með öðrum

Innihald námsins: Kenndir eru fyrstu áfangar á framhaldsskólastigi

Íslenska 1 (ÍSLE1HF05) 

Íslenska 2 (ÍSLE2MB05)  

Danska (DANS1AA05) 

Enska 1 (ENSK1UN05) 

Enska 2 (ENSK2OT05) 

Stærðfræði 1 (STÆR1IB05) 

Stærðfræði 2 (STÆR2AF05) 

Kennslufyrirkomulag: Lögð er áhersla á verkefnavinnu, verklegar æfingar í tíma og heima, hópavinnu, umræður og rökræður í stað hefðbundinna prófa. Kennt er samkvæmt námskrá Fræðslumiðstöðvar atvinnulífsins. Námið verður kennt frá Sauðárkróki en kennt verður í gegnum fjarkennslubúnað ef námsmenn koma víða að á Norðurlandi vestra. 

Námsmat: Gert er ráð fyrir 80% mætingu og virkri þátttöku námsmanna. Engin formleg próf eru tekin. Gert er ráð fyrir verkefnavinnu bæði í kennslustundum og heima.

Leiðbeinendur: Ýmsir

Hvar og hvenær: Námið hefst haustið 2020 ef næg þátttaka næst. Kennt tvö kvöld í viku. Námið verður kennt frá Sauðárkróki en kennt verður í gegnum SKYPE ef námsmenn koma víða að á Norðurlandi vestra.

Lengd: 200 klst. eða 300 kest. tvær annir.

Verð: 73.000 kr.
Stéttarfélög greiða allt að 75% af námskeiðskostnaði.

Fjöldi: Gert er ráð fyrir 10-12 þátttakendum af öllu Norðurlandi vestra. Að lágmarki þarf 10 manns til að hefja námið.

Til athugunar: Mennta- og menningarmálaráðuneytið hefur samþykkt að meta megi námsleiðina til allt að 24 eininga við framhaldsskóla. Þetta námskeið er kennt í samvinnu við FNV. Nánari lýsingar á Námi og þjálfun í almennum bóklegum greinum má sjá á heimasíðu Fræðslumiðstöðvar atvinnulífsins.

 

Áhugasömum er bent á að hafa samband við Farskólann í síma 455 6010 eða á farskolinn@remove-this.farskolinn.is

Önnur námskeið

  • Að stíga ölduna – aðlögunarhæfni til framtíðar

  • Að þurrka og grafa kjöt

  • Betri nýting á folalda og hrossakjöti

  • Betri skilningur og bætt samskipti

  • Ertu jákvæður leiðtogi í lífi og starfi? - Vefnámskeið

  • Fars, pylsu og bjúgnagerð

  • Gæðin úr eigin garði - Vefnámskeið

  • Hádegishugleiðsla

  • Hádegisjóga

  • Hamingjan sanna - Vefnámskeið

  • Heimahjúkrun, aðferðir til að takast á við depurð og þunglyndi

  • Heit- og kaldreyking á fiski, kjöti og villibráð

  • Hjúkrunarmóttaka

  • Hnífar og hnífabrýningar

  • Hrápylsugerð

  • Hreyfiseðill

  • ILS - Sérhæfð endurlífgun 1

  • Íslenska 1 – Icelandic 1

  • Íslenska 2 – Icelandic 2

  • Íslenska 3 – Icelandic 3

  • Íslenska 4 – Icelandic 4

  • Jóla - eftirréttir

  • Matur frá Miðjarðahafinu

  • Nútímastjórnun og yfirsýn

  • Öldrunarsjúkdómar

  • Ostagerð

  • Pate- og kæfugerð

  • Sálræn áföll

  • Sár og sárameðferð

  • Skagafjörður - Excel

  • Skagafjörður - Gæði úr eigin garði - 90 mín vefnámskeið

  • Skagafjörður - Jafnréttismál í stjórnun, stefnumótun og opinberri stjórnsýslu á sveitarstjórnarstiginu - Námskeið fyrir stjórnendur

  • Skagafjörður - Matur frá Miðjarðahafinu

  • Skagafjörður - Nútímastjórnun og yfirsýn

  • Skagafjörður - Skjalastjórnun: rekjanleiki, verklag og ábyrgð

  • Skagafjörður - Skyndihjálp 4 klst.

  • Skagafjörður - Skynidhjálp 12 klst

  • Skjalastjórnun: rekjanleiki, verklag og ábyrgð

  • Sögun og niðurhlutun á lambaskrokk

  • Söltun og reyking

  • Úrbeining á folaldi

  • Úrbeining á kind

  • Val á Skíðum og umhirða.