Skagafjörður - Erfið starfsmannamál

Námskeið fyrir stjórnendur Sveitarfélagsins Skagafjarðar

Það eru nokkur stjórnunarleg verkefni sem flestir stjórnendur eiga í erfiðleikum með að framkvæma. Annað þeirra er að ræða ófullnægjandi frammistöðu við starfsmenn og hitt er að færa slæm tíðindi eins og þegar starfsmaður fær ekki stöðuhækkun eða er sagt upp störfum. Bæði verkefnin vekja upp miklar viðkvæmar tilfinningar hjá viðmælandanum og reyna á stjórnunarfærni stjórnandans.

Að ræða ófullnægjandi frammistöðu

Markmið leiðréttingarviðtala er að bæta frammistöðu. Árangur viðtalsins ræðst af því hvað starfsmaðurinn gerir þegar samtalinu lýkur og því er mikilvægt að tryggja samþykki og samvinnu starfsmannsins. Fara þarf á sérstakan hátt inn í slík mál og gæta að virðingu og stolti. Einnig verður stjórnandinn að sýna festu, skilning og sveigjanleika. Góð leiðréttingarviðtöl fara í gegnum níu skref, frá því að tilkynna hvað það er sem þurfi að laga og þangað til lýst er yfir trú á að viðkomandi muni ná árangri. 

Að færa slæm tíðindi eins og uppsagnir

Þegar verið er að færa slæm tíðindi, þ.e. óumbreytanlegar slæmar upplýsingar, er oft um að ræða átakanlegan atburð sem kallar fram mjög sterkar tilfinningar. Viðmælandinn getur farið úr jafnvægi og átt erfitt með að stjórna tilfinningunum. Gæta þarf að nokkrum mikilvægum atriðum þegar slæm tíðindi eru færð. Mikilvægast er að vita hvaða viðbrögðum megi búast við af þeim sem fær tíðindin þ.e. þekkja sorgarferlið sem fer af stað. Einnig að vita hvernig bregðast eigi við á hverju stigi í ferlinu. Undirstöðuatriði í samtalstækni eru nauðsynleg til að komast frá þannig viðtölum á ábyrgan hátt. Dæmi um slæm tíðindi eru t.d. uppsagnarviðtöl eða tilkynning um andlát náins aðila. Afar mikilvægt er að undirbúa vel hvenær, hvar og á hvaða hátt slæm tíðindi eru flutt. Hægt er að koma í veg fyrir mörg vandamál með því að taka á málum af fagmennsku.

Markhópur

Námskeiðið hentar öllum þeim sem vilja auka færni sína í að ræða viðkvæm frammistöðumál og læra að færa slæm tíðindi á uppbyggilegan hátt.

Fræðileg umfjöllun og þjálfun

Á námskeiðinu verður farið yfir það hvernig eigi að ræða erfið starfsmannamál og færa slæm tíðindi. Bæði verður farið yfir fræðilega umfjöllun um þessi erfiðu mál og æft hvernig best er að standa að þeim. Þátttakendur fá þjálfun í aðferðum við viðtalstækni sem skila sér í betri og uppbyggilegri viðtölum.

Leiðbeinandi: Eyþór Eðvarðsson, stjórnendaþjálfari og ráðgjafi hjá Þekkingarmiðlun ehf.

Lengd: Námskeiðið er 8 klst. að lengd.

Hvar og hvenær: Í Farskólanum við Faxatorg, þriðjudaginn 25. september kl. 8:00 - 17:00.

Önnur námskeið

  • Boðið til veislu - smáréttir - Fullorðinsfræðsla fatlaðra

  • FabLab smiðja fyrir frumkvöðla

  • Fars, pylsu og bjúgnagerð

  • Flökun, hnífabrýningar og hnútagerð

  • Heimilisfræði - heimshornaflakk

  • Heitreyking og reyking á villibráð

  • Hrápylsugerð

  • HSN - Click Sense

  • HSN - Gæðahandbók og innri vefur

  • HSN - Konfektgerð

  • HSN - Líknar og lífslokameðferð

  • HSN - RAI Homecare

  • HSN - Saga skráning

  • HSN - Sigraðu sjálfan þig

  • HSN - Starfslokanámskeið

  • HSN - Vinnustund

  • HSN - Þjónandi leiðsögn - grunnnámskeið - öldrunarþjónusta

  • Húsgagnasmíði með yfirborðsfræsara

  • Íslenska fyrir útlendinga 1

  • Íslenska fyrir útlendinga 2

  • Íslenska fyrir útlendinga 3

  • Íslenska fyrir útlendinga 4

  • Komdu að synda - Fullorðinsfræðsla fatlaðra vorönn 2019

  • Leikskólaliða- og stuðningsfulltrúabrú - Hefst 30. ágúst

  • Mannlegi millistjórnandinn

  • Nám og þjálfun í almennum bóklegum greinum

  • Opin smiðja – Beint frá býli

  • Ostagerð

  • Pate- og kæfugerð

  • Sigraðu sjálfan þig

  • Skagafjörður - Að veita framúrskarandi þjónustu

  • Skagafjörður - Sigraðu sjálfan þig

  • Skagafjörður - Skyndihjálp 4 klst.

  • Skagafjörður - Skynidhjálp 12 klst

  • Skemmtibátapróf

  • Skrifstofuskólinn

  • Smíðanámskeið með Atla - vor 2019 - Fullorðinsfræðsla fatlaðra

  • Söltun og reyking

  • Starfslokanámskeið

  • Tækjaleikfimi - Þreksport - Fullorðinsfræðsla fatlaðra

  • Úrbeining á kind

  • Vinyl prentun á efni/textíl

  • Viskí námskeið – Vetur , sumar, vor og haust

  • Zumba - dansnámskeið - Fullorðinsfræðsla fatlaðra vorönn 2019

  • Þurrka og grafa