Skrifstofuskólinn

Námsleiðin Skrifstofuskólinn er ætluð þeim sem vinna almenn skrifstofustörf eða þeim sem hafa hug á því að skipta um starfsvettvang.

Lýsing: Skrifstofuskólinn er ætlaður fólki á vinnumarkaði sem er 20 ára eða eldra, hefur stutta formlega skólagöngu að baki, vinnur við almenn skrifstofustörf eða stefnir að því að starfa á skrifstofu.

Að loknu námi hefur námsmaður: Aukið sjálfstraust sitt, öryggi og færni til faglegra starfa á skrifstofu, aukið þjónustufærni sína, náð valdi á tölvufærni sem krafist er við almenn skrifstofustörf, aukið námsfærni sína. 

Innihald námsins: Námsdagbók og markmiðasetning, samskipti, sjálfstraust, námstækni, hraðlestur, tölvu- og upplýsingatækni, verslunarreikningur, þjónusta, handfært bókhald, tölvubókhald, færnimappa og ferilskrá og fl. 

Nánari lýsingar á Skrifstofuskólanum má sjá á heimasíðu Fræðslumiðstöðvar atvinnulífsins.

Kennslufyrirkomulag: Lögð er áhersla á verkefnavinnu, verklegar æfingar, hópavinnu, umræður og rökræður í stað hefðbundinna prófa. Kennt er samkvæmt námskrá Fræðslumiðstöðvar atvinnulífsins. Námið verður kennt frá Sauðárkróki en kennt verður í gegnum SKYPE ef námsmenn koma víða að á Norðurlandi vestra. 

Hvar og hvenær: Námið hefst á haustönn 2017 og því líkur í maí 2018

Lengd: 160 klst. eða 240 kest.

Verð: 52.000 kr. Stéttarfélög greiða allt að 75% af námskeiðskostnaði.

Fjöldi: Gert er ráð fyrir 12-14 þátttakendum af öllu Norðurlandi vestra.

Til athugunar: Ef ekki næst í námshóp í september 2017 mun námið verða auglýst aftur í janúar 2018.

Önnur námskeið