Ráðgjöf og þjónusta

Farskólinn býður þér  upp á fjölbreytta þjónustu og ráðgjöf. Hér til vinstri á síðunni má finna upplýsingar um náms- og starfsráðgjöf og hér að neðan eru upplýsingar um Markviss ráðgjöf.

Samkvæmt samningi við Fræðslumiðstöð atvinnulífsins býður Farskólinn fullorðnu fólki sem ekki hefur lokið framhaldsskóla upp á náms- og starfsráðgjöf, þeim að kostnaðarlausu. Ráðgjöfin er fjármögnuð af Fræðslusjóði.

 

Markviss ráðgjöf og Fræðslustjóri að láni

Starfsmenn Farskólans hafa lokið svokallaðri Markviss þjálfun. Markviss er aðferðafræði þar sem megináhersla er lögð á að stjórnendur og aðrir starfsmenn vinni saman að þeirri uppbyggingu sem þörf er á innan fyrirtækis eða stofnunar. Markviss er nokkurs konar verkfærakista sem býður upp á einföld tæki og tól  sem fyrirtæki geta notað og sniðið að eigin þörfum. Markviss aðferðafræðin er meðal annars notuð þegar farið er í verkefni sem kallast ,,Fræðslustjóra að láni". Starfsmenn Farskólans veita nánari upplýsingar um ,,Markviss" og ,,Fræðslustjóra að láni" í síma 455 - 6010.