Grunnnámskeið í útivist og fjallgöngum – Starfsmenn Skagafjarðar

Námskeiðið er fyrir starfsfólk  Skagafjarðar og er hluti af fræðsluáætlun sveitarfélagsins.

Sveitarfélagið í samstarfi við Fjallafjör, býður starfsmönnum sínum upp á grunnnámskeið í útivist og fjallgöngum.  Á námskeiðinu er farið yfir helstu atriði sem hafa þarf í huga þegar kemur að almennri útivist og fjallgöngum s.s. undirbúningi ferða, búnaði, öryggi, næringu, þjálfun, leiðarvali, skóreimingar svo eitthvað sé nefnt.  Námskeiðið er í senn bóklegt og verklegt og Fjallabókin eftir Jón Gauta Jónsson er innifalin í verði námskeiðsins. 

Leiðbeinandi: Guðmundur Örn Sverrisson. Guðmundur starfar sem framkvæmdastjóri Hugsjónar ehf. sem á og rekur Fjallafjör, var fararstjóri hjá Ferðafélaginu Útivist á árunum 2013-2021 og skálavörður á árunum 2011-2012. Hann hefur meðal annars lokið reglubundnum námskeiðum í skyndihjálp í óbyggðum, rötun, vetrarfjallamennsku, undirbúningsnámskeiði í jöklaleiðsögn, jöklaleiðsögn 1 hjá AIMG, hópstjórn og komið að þjálfun fjölmargra fararstjóra.

Hvar og hvenær: Námskeiðið fer fram helgina 27 og 28. apríl 9:00-17:00 hvorn dag.

Lengd: 16.klst