Heimahjúkrun, aðferðir til að takast á við depurð og þunglyndi

Þetta námskeið er aðeins ætlað starfsfólki Heilbrigðisstofnunar Norðurlands (HSN).

ATH! Vegna aukinnar útbreiðslu Covid þá hefur námskeiðinu verið frestað, en verður haldið um leið og aðstæður í samfélaginu lagast og verður þá haft samband við þá sem hafa skráð sig.

Lýsing: Á námskeiðinu verður skoðuð samþætting þjónustu við aldraða sem búa í heimahúsi. Margir glíma við miklar breytingar á efri árum. Líkamleg heilsa fer hrakandi og oft hefur einstaklingurinn upplifað missi, sorg, einmanaleika og depurð. Farið er að draga úr virkni hans og kvíði yfir að missa tök á færni getur aukist. Þunglyndi og jafnvel uppgjör við lífið sjálft er eitthvað sem oft þarf að takast á við sem og að verða háðir umönnun nánustu ættingja og/eða fagfólks. Mikilvægt er að í allri umönnun sé haft í huga að sá aldraði fái að tjá sig og gera það sem hann getur sjálfur. 

Leiðbeinandi: Salbjörg Bjarnadóttir, geðhjúkrunarfræðingur og verkefnastjóri hjá Embætti   landlæknis.

Hvar og hvenær:

  • 28. september 8:00 – 16:00 HSN Sauðárkróki
  • 29. september 8:00 – 16:00 Húsnæði HSN á Akureyri
  • 30. september 8:00 – 16:00 HSN Húsavík

Lengd: 8 klst