ILS – Sérhæfð endurlífgun 1

Þetta námskeið er aðeins ætlað starfsfólki Heilbrigðisstofnunar Norðurlands (HSN).

Athugið að skráningu lýkur 6 vikum fyrir auglýstan námskeiðsdag!

Lýsing: Markmiðið er að þjálfa heilbrigðisstarfsfólk í aðgerðum til að koma í veg fyrir hjartastopp, beita grunnendurlífgun þ.e. hjartahnoði öndunarhjálp og rafstuði þar til sérhæfð aðstoð berst. Tilgangurinn með þeirri þjálfun felst í því að gera starfsmanninn færari um að taka þátt í endurlífgun sem meðlimur teymisins.

Viðfangsefni: Námskeiðið er byggt á stöðlum evrópska endurlífgunarráðsins og kennt samkvæmt því. Námskeiðið er samansett af fyrirlestrum, verklegum æfingum og umræðum. Í fyrirlestrum er farið yfir orsakir og forvarnir hjartastopps og vinnuferla við endurlífgun. Í verklegum stöðvum er lögð áhersla á frumskoðun og endurlífgun, öndunarhjálp og teymisvinnu í endurlífgun. Mest er áhersla á verklegar æfingar og virka þátttöku nemandans.

Inntökuskilyrði: Heilbrigðisstarfsfólk sem kemur sjaldan að endurlífgun en þarf samt að geta brugðist við og tekið þátt í endurlífgun t.d. löggiltir sjúkraflutningamenn, læknar, hjúkrunarfræðingar, hjúkrunarfræði- og læknanemar.

Námsefni: European Resuscitation Council (2015). ERC Immediate Life Support. October 2015 (4. utg)

Hvar og hvenær:

  • Blönduósi 31. október 9:00 – 17:00 í húsnæði HSN á Blönduósi. 

  • Sauðárkróki 4. nóvember 9:00 – 17:00 í húsnæði HSN á Sauðárkróki

Lengd: 8 klst

Námsmat: Símat er stöðugt á námskeiðinu.