Skagafjörður – 360 gráðu heilsa – Vefnámskeið – 4 skipti

Námskeiðið er fyrir starfsfólk Sveitarfélagsins Skagafjarðar og er hluti af fræðsluáætlun sveitarfélagsins.

ATH. við ætlum að fresta startinu á þessu námskeiði um viku og byrja 3.mars í staðinn. Við viljum benda á að við tökum fyrirlestrana upp fyrir þá sem ekki komast öll skiptin.

Lýsing: Í neðangreindum fyrirlestrum færi ég þér heilsteypta formúlu að heilsusamlegra lífi eða það sem ég kalla 360° Heilsa. Ég ætla að fara yfir alla þá lífsstílsþætti sem ég tel vera undirstöður góðrar heilsu og fræða þig um hvernig þú getur hámarkað hvern þátt til að uppskera bætta orku, hreysti, vellíðan og alhliða andlega og líkamlega heilsu.

Mataræði
Eitt stærsta vandamál sem við stöndum frammi fyrir í nútíma vestrænu samfélagi er að við erum að innbyrgða of mikla orku en á sama tíma of litla næringu. Þetta ásamt fleiri þáttum hefur ýtt undir þá alvarlegu þróun lífsstílssjúkdóma sem er orðin ein okkar helsta lýðheilsuógn í dag. Í fyrirlestrinum fer ég yfir algengar mýtur í mataræði, hvernig mataræðið okkar hefur breyst, hvaða matvæli eru að ræna frá okkur heilsunni og hvernig við getum borðað betur fyrir bætta heilsu.
Svefn
Svefninn er allra mikilvægastur þegar kemur að góðri heilsu. Það er alveg sama hvað þú borðar hollt eða hreyfir þig vel, ef svefninn er í ólagi þá er heilsan í ólagi, svo einfalt er það. En svefn er ekki bara svefn heldur skipta gæðin höfuðmáli. Svefn er að mínu mati bæði misskilinn og vanmetinn. Í þessum fyrirlestri ætla ég að fara yfir af hverju svefninn skiptir svona miklu máli, hver eru einkenni gæðalítils svefns, af hverju skipta gæðin meira máli en lengdin og ýmis ráð og reglur til að tryggja hinn fullkomna gæðasvefn fyrir betri orku, heilsu og vellíðan.
Hreyfing
Eins og flestir vita er hreyfing lykilþáttur góðrar heilsu. En er bara nóg að hreyfa sig eða skiptir máli hvernig? Hvaða áhrif hefur líkamsstaðan okkar á heilsuna? Hvað getum við gert til að hreyfa okkur betur? Hvenrig getum við hámarkað afköst æfinganna og gert líkamann að skilvirkari fitubrennsluvél? Hvernig fyrirbyggjum við stoðkerfisvandamál? Ég fer yfir þessi atriði og ýmsum fleiri góðum ráðum í tengslum við hreyfingu og líkamsrækt.
Jafnvægi
Streitustjórnun, félagsleg tengsl, öndun, hugleiðsla, markmið og draumar. Þetta eru hlutirnir sem líma hina grunnþættina saman og hjálpa við að móta heilbrigðan lífsstíl. Þegar við erum í heilbrigðu jafnvægi verður lífið bæði innihaldsríkara, auðveldara og ánægjulegra.

Leiðbeinandi: Rafn Franklín er þjálfari og heilsuráðgjafi í Hreyfingu í Glæsibæ og eigandi hlaðvarpsins 360 Heilsa.

Leiðbeinandi: Rafn Franklín er þjálfari og heilsuráðgjafi í Hreyfingu í Glæsibæ og eigandi hlaðvarpsins 360 Heilsa.

Hvar og hvenær: Vefnámskeið

Námskeiðið er 4 skipti þar sem einn þáttur er tekinn fyrir hverju sinni.

3.mars, 10. mars 17.mars og 24.mars.  14:00-15:30. 

ATHUGIÐ: Við munum taka fyrirlestrana upp og hafa opna í 48 klst fyrir þá sem eru skráðir. Þannig að þó þessi tímasetning henti ekki öllum þá geta allir verið með.