Um er að ræða u.þ.b. 2,5 klst. námskeið fyrir starfsfólk mötuneyta og eldhúsa sem kemur að meðhöndlun matvæla, þar sem áhersla er lögð á hagnýt ráð og aukinn skilning á örverufræði og réttri meðhöndlun matvæla. Í heimi þar sem matarsjúkdómum fer fjölgandi þarf allt starfsfólk að leggjast á eitt um að gera hlutina rétt, einkum þegar matvæli eru meðhöndluð fyrir viðkvæma hópa (t.d. einstaklinga með veikt ónæmiskerfi, aldraða og börn). 

Námskeiðið fer alfarið fram rafrænt í gegnum fræðslukerfið Avia. 

Námskeiðinu er skipt upp í tíu hluta. Hver hluti inniheldur myndbandsfyrirlestur og stutt verkefni sem nemandi þarf að leysa til þess að komast áfram í næsta hluta námskeiðsins. Fyrirlestrarnir eru hver u.þ.b. 5-15 mín. að lengd. 

Innifalið í námskeiðsgjaldi er aðgangur að námskeiðinu í sex mánuði. Nemendur geta þannig farið í gegnum námskeiðið á þeim hraða sem hentar hverjum og einum. Hægt er að horfa, hlusta og taka námskeiðið hvar og hvenær sem er og eins oft og viðkomandi kýs. 

Námskeiðið er aðgengilegt á íslensku en einnig á ensku (með enskum texta) og pólsku (texti á glærum á ensku en tal kennara og verkefni á pólsku). 

Áhersla er lögð á að eftir námskeiðið eigi þátttakendur að vera betur meðvitaðir um helstu hættur við meðferð matvæla og hvernig eigi að fyrirbyggja þær. 

Efni námskeiðs: 

• Meðhöndlun matvæla. Hverjar eru hætturnar? Hvernig fyrirbyggjum við krossmengun? 

• Bakteríur og sjúkdómsvaldandi örverur. Hegðun og útbreiðsla. Matarsýkingar/matareitranir. 

• Matarsóun – öryggi. Hvernig endurnýtum við matvæli á öruggan hátt? 

• Persónulegt hreinlæti. Handþvottur. Rétt notkun á hönskum. 

• Þrif og hreinlæti. Erum við að þrífa rétt og á réttum stöðum? 

• Innra eftirlit – skráningar, örugg hráefni, þjálfun. 

• Verkefnavinna.