Athugið þetta námskeið er haldið sameiginlega með stéttarfélögum á svæðinu og því verða ekki eingöngu starfsmenn HSN á námskeiðinu.
Mikilvægt er að huga vel að sparnaði, jafnt fyrir skammtímaútgjöldum sem og fjárfestingum í framtíð. Á námskeiðinu verður rætt um hvernig velja megi heppilegasta sparnaðar- eða fjárfestingarkostinn hverju sinni.
Meðal þeirra spurninga sem svarað verður eru:
Hverjir eru kostir og gallar innlána, verðbréfa og sjóða?
Hvernig er best að skipta ólíkum sparnaði upp?
Hvaða ávöxtunarleiðir henta við hinar ýmsu aðstæður?
Hvernig byggi ég upp eignasafn?
Hvað kemur til með að hafa áhrif á sparnaðinn minn og hvernig fylgist ég með?
Hvernig næ ég markmiðum mínum í sparnaði?
Fyrir hverja er námskeiðið? Námskeiðið hentar fólki á öllum aldri sem vill ná betri tökum á sparnaði sínum og fjárfestingum.
Ávinningur þátttakenda: Þátttakendur kynnast ólíkum ávöxtunarleiðum og geta parað þær saman við markmiðin sín. Þannig næst betri árangur og mistökum fækkar.
Leiðbeinandi:Björn Berg Gunnarsson hefur 16 ára reynslu af ráðgjöf og fyrirlestrahaldi um fjármál. Hann starfaði lengi sem ráðgjafi á verðbréfa- og lífeyrissviði Íslandsbanka, var fræðslustjóri bankans í yfir áratug og stýrði greiningardeild hans. Hann hefur BS próf í viðskiptafræði, próf í verðbréfaviðskiptum og meistaragráðu í alþjóðaviðskiptum og markaðsfræði. Björn er reglulegur álitsgjafi um fjármál í fjölmiðlum, pistlahöfundur og er höfundur bókarinnar Peningar.
Hvar og hvenær:
13. nóvember- vefnámskeið 17:00-19:00
