Bókmenntir, ritun og málnotkun

Einingafjöldi: 5 
Þrep: 2 

Fjarkennt í rauntíma

Í þessum áfanga er fjallað um ritun, bókmenntir og málnotkun. Ritun: Fjallað um ólíkar gerðir ritsmíða og nemendur læra að setja mál sitt og skoðanir fram á markvissan hátt. Nemendur styrkja færni í mikilvægum atriðum um frágang ritaðs máls, meðferð heimilda og leiðbeiningarforrita við tölvuvinnslu. Setningafræði: Farið er í grundvallaratriði setningafræði. Unnið með mál og málnotkun. Bókmenntir og læsi: Nemendur læra að tjá sig um bókmenntir og bókmenntafræði með styttri ritsmíðum og bókmenntaritgerðum.

Þekkingarviðmið 

Nemandi skal hafa öðlast þekkingu og skilning á: 

• helstu hugtökum í ritgerðasmíð og framsetningu ritaðs máls í ólíkum ritsmíðum
• málfræðihugtökum og ritreglum sem nýtast í tal- og ritmáli
• ólíkum textum

Leikniviðmið 

Nemandi skal hafa öðlast leikni í að: 

• nota viðeigandi hjálpargögn við frágang ritsmíða
• rita ólíkar tegundir ritsmíða og beita gagnrýninni hugsun
• nýta málfræðihugtök og málfræðilegar upplýsingar til þess að efla eigin málfærni
• lesa sér til gagns og gamans nytjatexta og bókmenntaverk og fjalla um inntak þeirra
• koma skoðunum sínum á framfæri á skýran hátt

Hæfniviðmið 

Nemandi skal geta hagnýtt þá almennu þekkingu og leikni sem hann hefur aflað sér til að: 

• styrkja málfærni sína
• vinna ólík verkefni í tengslum við námsefnið og sýna nokkur tilbrigði í málnotkun
• beita skýru og blæbrigðaríku máli í ræðu og riti
• byggja upp röksemdafærslu, tjá afstöðu og taka þátt í umræðum

Nánari upplýsingar á námskrá.is